A Walktour in Manila | Intramuros For Free

Medyo nagbabasa ako ng mga tweet kanina, then I saw Carlos Celdran's. "#HelpDOT. Go to Intramuros today. All entrance fees waived! Go to Fort Santiago, Casa Manila, Baluarte San Diego and get horse rides! FREE FREE FREE till 5pm." 

Hoorah, mahilig ako sa mga libre kaya hindi ko ito pinalampas. At dahil ako ay isang hamak na mag-aaral sa Intramuros, proud ako na ipangalandakan ang kagandahang taglay ng lugar na ito. 

Dumating ako bandang alas-11 y media malapit sa tanghali. Nakakatuwang tignan na maraming turistang namamasyal sa mga oras na iyon. Una kong pinuntahan ay ang Baluarte de San Diego.


Baluarte de San Diego:

• luma
• matalahib
• presko

may sasarap pa ba sa isang FREE ADMISSION?

Hall way sa loob ng Baluarte de San Diego

mga sulat sa pader

nais ko sana bumaba at pumasok sa loob ngunit may nakaharang na bakal

ang gitna, hindi ba't luma? iniisip ko talaga kung paano makapunta sa gitnang iyan

ako wala nang iba

Sa bandang gilid ay may mapayapang hardin, syempre maraming halaman.

isang bulaklak sa hardin, malakas 'to pambato sa plants vs. zombies

maaliwalas na daanan

sa kahahanap ko ng daan papuntang gitna, nakita ko ito, isang gubat ng fern, sa dulo ay ang pasukan papunta sa gitna

ay sadiyang kabigat man

lugar ng mayayaman

Ang sunod kong pinuntahan ay ang Lights and Sound Museum, pero nakapasok na ako dati dito kaya hindi ko na sya pinasyalan ngayon. Nagpatuloy ako sa Casa Manila, isang replika ng tahanan sa Manila noong panahon ng Kastila.

ang gusaling Lacson ng Pamantasan, balita ko cute daw mga estudyante dito, matatalino pa. :)

ang dating gusali ng Philippine Constabulary (PMA ngayon na nasa syudad ng Baguio)

gallery ng mga mukha ng mga pangulo ng Pilipinas

San Agustin Church at ang museo nito na nasa kanan.

Casa Manila

• malinis
• luma
• maingay na sahig 

Bawal kumuha ng mga larawan sa loob ng museo. Sumabay din ako sa mga turistang Pranses, pero siyempre hindi ko sila naiintindihan. Sa bawat apak ko sa sahig ay kinakabahan ako dahil sa tunog na nililikha ng mga ito. Basta tunog lumang sahig na tabla. Sa ibaba ay maraming bilihan ng mga pasalubong at souvenir.

ang harap ng Casa Manila

ang makasaysayang palikuran (dito ako nagtago noong mga panahon ng kagipitan sa isang tour kasama si Carlos Celdran)

daan sa veranda ng casa

larawan ng gitnang plaza

mga souvenir

ang Casa Manila

 Muli akong naglakad, patungong Fort Santiago.

modernong masining na likha sa mga pader ng isang guho sa intramuros

ang clamshell, dating pook ng Ateneo Municipal de Manila (Ateneo de Manila University)

guho ng simbahan ng San Ignacio

ang trambia sa Intramuros, libre yan sayang hindi ako nakasakay

ang mga kutsero ng mga kalesa, tandaan P350 lang dapat ang singilan kada 30 minuto

Fort Santiago

• luma
• maraming mapupuntahan
• kaaya-ayang paligid

Napasok ko na ito dati pa, pero gusto ko lang uli pasukin for the sake of pictures. Tirik na tirik ang araw, at sunog na sunog na naman ang aking balat. Pero naglakad pa rin ako. Hinabol ko yung trambia na umaandar ngunit hindi ko nahabol, hindi tuloy ako nakasakay sa free ride. Pumasok ako sa isang silid na puro kagamitan/memorabilia ng pamilya Rizal. Marami pa ring dayuhang turista na sadyang kaaya-aya sa mata.
 

hay buhay, masarap kung libre lahat

magkano kaya ito sa kalakal, kadena pa lang tiba-tiba na

ang main gate ng Fort Santiago

ang museo ng Rizal shrine

nakalulungkot ngunit nagsilbing torture chamber ang buong intramuros noong panahon ng Hapon

para sa mga namayapa noong panahon ng Hapon

isang dungeon (kulungan), nagpasa ako dati ng entry tungkol dito sa Hidden Cities ng History Channel, ayun sa kasamaang palad, kailangan pala ng pasaporte para makasali, wala pa ako nun e.

ang ilog Pasig mula sa Fort Santiago

ang piitan ni idol, dati may bubong yan wala na ngayon.

footsteps ni idol

museo para kay idol

Nagutom ako bigla kaya naman umuwi na lang ako. Nga pala, pamasahe lang papunta at pauwi ang nagastos ko.


.